星期一: 都係自己抵死, 星期日玩到太夜, 搞到started with a tired mood
- 星期二: 個OT 一開始重好好地, 點知lunch 之後就如大佬如料, blood loss 多+BP 低, 搞到好忙,又要manually pumped 成十幾包 blood products... 你知啦, 已經少運動啦, 重要係手部運動喎!
- 星期三: 其實個OT LIST 有四個, OK 長啦; 但因為大麻鷹的一句說話, 第二天我就帶著欣喜的心情上班去...點知, 個LIST 6點先完, 重係要隔離房幫先得咋...同事K 訓示: 永遠不要信大麻鷹...
- 星期四: 意外地好早4點幾就走得啦, 但...卻約咗班大O食飯, 唉, 係七點四十五分@ Causeway Bay !!!!!!!! 天呀, 回家已經十二點啦...(大家留意, 我每天必須六點幾出門口的...-_-), 更不幸的是...我肚痾...-_-
- 星期五: 今天, 好早完成任務, 所以在這裡打字...^.^
講開昨晚同班大O食飯, 其實都幾開心, 雖然大家少見, 又來自不同背景, 話題不太多, 但感受到大家是有心去維繫, 而且又不涉及利害, 感覺真的很舒服! 所以就算我有多累, 昨晚也'出省'與大家聚聚. 不過昨晚始終多了點deadair, 要多點溝通喔...
至於做嘢方面, 我對自己有啲忟憎, 成日都唔得啲steps, 到記得的時候, 卻不懂變通...唉,有時覺得自己真係有啲鈍...仲有,記性唔好, basic knowledge 又唔多夠...唉, 越講越depressed...
話時話,今日收到下個禮拜roster list, 面上即刻多咗幾條間..事關下星期終於輪到我初會baby 梨啦!! 之前交過幾之手, 已有點招架不住啦. 家陣仲要正面面交手, 實在令人擔心. 連da 姐都頂唔住, 我這隻小麻雀, 肯定連骨都比佢吞埋呀, 形勢相當險峻...
==================================================熙熙來了...
仲有一件大事未向大家公佈, 就是我家近來增添了新成員-- 朗熙 呀!!!!! 雖然我年紀細細, 但已榮升姑姐啦! 哈哈! BB 實在非常可
愛...
No comments:
Post a Comment