大麻鷹與絲襪黨

眨吓眼, 一個星期又過去了. 由於這個星期有call 及 post-call dayoff的關係, 時間過得特別快. 除咗星期二同lamlai 慶祝生日外, 好似都冇做過啲咩有意義的事情, 感覺有點空虛...

講開生日, 我今年生日就過得不爽啦...除咗呀nel及幾個朋友仔記得同有給與一點重視外, 其他人...屋企人的精力和注意力都給了初來報到的熙熙, 其實我也明白的, 因為連我也被他深深吸引著...至於我那些十多年的 bestfriend竟然...忘了...這也算了, 最hurt係咁啱約咗生日翌日睇相, 在我預咗大家諗住順便同我慶祝之情況下, 竟發現他們完全忘記...老實說, 真係有點不開心...

看到這裡, 可能閣下會覺得本人實在有點低能,又無聊, 又小器, 又自我中心...哈, 我承認我確實是個長不大的丫頭, 而且我亦明白大家工作忙碌, 又有好多嘢煩, 根本冇精力去記住我的大壽...只不過... 如果可以記得就更加好.....哈..算啦...以後都唔慶祝啦...唔駛煩...

話時話, 寫到呢度, 都未講到今日的正題--大麻鷹與絲襪黨. 話說今日大麻鷹帶咗個絲襪黨來觀摩一下 ( 註:絲襪黨是指那些喜歡著三個骨絲襪的人). 對於那個絲襪黨, 我實在佩服得五體投地...她實在體現咗純正中國人的'性格'..她一進來就一個箭步霸咗我們小麻雀的一半領域(一方面她的size有番咁上下, 又喜歡叉著腰企, 加上我們小麻雀的領域實在有限...), 完全阻礙我們的工作; 就算我很禮貌地請她借借, 她仍然原封不動; 之後我只是離開我至愛的碌碌椅去加藥, 離開不夠一米,全程不到30秒, 她已一個屁股坐在我的椅子上, 全然霸佔我的工作範圍,簡直不放我們在眼內...當然這些憤怒的情緒只在我心裡爆發,我才不要與她一般見識...

但諗極都唔係好明, 相信絲襪黨在祖國也是大麻鷹一名,而且年紀都唔細啦, 為什麼她不覺得自己的存在實在是一個障礙呢? 我就是不相信她不知道我們是小麻雀!!! visitor 唔係大晒ka wo, 我話之你喺祖國係大麻鷹呀頭定院長, 總之冇禮貌就唔啱...唉..所以話...一個人的personality 就決定了她的位置, 抵你冇得升...