順風車...

今日, 一貫作風, 騎呢事件又發生在我身上啦...

話說, 今日雖然三号風球高高掛, 但我仍然非常忙碌. 早上開完會後, 下午就趕番CU opening day 幫下手. 其實都冇咩做, 主要留守小麻雀攤位, 教下啲F.6 學生插喉, 做下心外壓啦.

其實不斷地向不同的人講/做同一堆嘢都幾悶架, 所以一夠鐘就o拿o拿林收拾細軟走人...當我正在忙亂地搬嘢時, 撞見一個好熟口面的男士, 應該係教過我書, 但就點都唔記得佢係邊個, 教咩, 幾時教過...不過都算啦, 讀咗咁多年, 週不時都唔記得啲人架啦. 衰就衰在佢竟然認得我(點都唔明, 一個YEAR 有成百幾人,點會咁邪), 簡短對話如下:
佢: 咦, 呢度幫手啲人全部都係medical student 呀? 你都係呀?
我: 唔係, 我畢咗業架啦, 做緊麻雀...
佢: 係啦, 我認得你, 無理由仲係medical student ka ma...
(我心諗: 我唔係好認得你喎...)

之後好快就閃走繼續搬嘢, 費事講多錯多, 比佢發現我根本唔記得佢,好hurt ka ma. 點知,轉頭佢又殺出, 繼續傾計, 傾傾下, 又落大雨, 佢竟然問我搭唔搭順風車喎, 嘩,咁大雨, 點都搭啦, 撗掂落火車站, 兩分鐘都唔駛...點知, 上車後發現大家的目的地好近, 咁佢就順便送佛送到西啦...

其實佢份人都好nice, 咩都講得一餐, 言談間佢竟然連我第幾年做嘢都記得, 更令我內疚, 全程我唯有小心應對, 不觸及他的身份及現時的工作....

結果, 坐完成程車, 我仍然唔知佢係邊個, 邊個department 做, 幾時教過我...

sorry...