谷底

今天心情不佳,

1.首先不知何解極度眼瞓, 整天都好似未瞓醒咁;
2.加上今日啲case 又好沉悶, 又忙碌, surgeon 又無咩嘢講;
3.long list la, 遲放工;
4.聽日個list 有壓力啦, 今日睇case 已深深感受到, 超煩;
5.近來覺得自己肥咗, 心情已有啲depressed la, 仲要今日做緊嘢時, 有個路人甲走黎同我講: 你手臂好粗!, 我面上即刻多咗幾條間law, 心情直插谷底....喂, 首先我做緊嘢就唔好咁九唔搭八啦, 我又唔係同你好熟, 你冇問過我就睇我啲相, 我都未同你計, 唔該你唔好懶熟啦; 同埋我唔係好明你咁講既purpose law-- 如果你覺得自己係講緊笑的話, 對唔住, 我一啲都唔覺好笑喎, 如果你想以此作為話匣子, 對唔住, 你的說話技巧好差, 我亦唔知你expected 我點答你law; 如果你想攞彩的話, 恭喜你, 你成功了, 不過本人極度鄙視呢種將自己快樂建築在別人痛苦身上的人!!

如果係frd之間善意的提醒 or discussion, 我完全accept lor; 但對於此等略帶人身攻擊的comment 就接受唔到la... 或者咁呀, 我一大朝早見到你就同你講, 你真係好醜樣, 咁你覺得點呀?

雖然我內心是如此的不滿, 但是當時懦弱的我只能默不作聲....

好想瘦啲...